വീടുപോലെ സ്വന്തം കൊല്ലം
വീടുപോലെ സ്വന്തം കൊല്ലം
ജെ. ചിഞ്ചുറാണി
മൃഗ സംരക്ഷണ, ക്ഷീര വികസന വകുപ്പു മന്ത്രി
കൊല്ലം എന്റെ ജീവിതത്തില്‍ അത്രയേറെ പ്രാധാന്യം ഉള്ള സ്ഥലമാണ്; കേവലം ഒരു സ്ഥലം മാത്രമല്ല, മറിച്ചു അതെന്റെ വീടു തന്നെയാണ്. ചടയമംഗലം നിയോജക മണ്ഡലത്തിന്റെ പ്രതിനിധിയായിരിക്കെ ഈ നാടിനോട് എപ്പോഴും ഒരു ആത്മബന്ധം അനുഭവപ്പെടുന്നുണ്ട്. കേരളത്തിന്റെ കായലുകളിലേക്കുള്ള ഗേറ്റ് വേ ആയി അറിയപ്പെടുന്ന കൊല്ലം, പ്രകൃതി സൗന്ദര്യത്തിലും ചരിത്ര പ്രാധാന്യത്തിലും സാംസ്‌കാരികതയിലും സമ്പമായ ഒരു പ്രദേശമാണ്. എന്നിട്ടും അതിന്റെ ടൂറിസം സാധ്യതകള്‍ വലിയ തോതില്‍ പര്യവേക്ഷണം ചെയ്യപ്പെടാതെ തുടരുന്നു.
പാരമ്പര്യമായി, കൊല്ലത്തിന്റെ ടൂറിസം മേഖല ശാന്തമായ കായലുകളിലൂടെയുള്ള ഹൗസ്‌ബോട്ട് അനുഭവങ്ങള്‍ക്കു മാത്രമായിരുന്നു പ്രാധാന്യം നൽകിയിരുന്നത്. എന്നാൽ, ഈ പ്രദേശത്തിന് ഒരു സുസ്ഥിരവും വൈവിധ്യമാർന്നതുമായ പര്യടന മേഖലയെ വികസിപ്പിക്കാന്‍ ആവശ്യമായ ഉറവിടങ്ങള്‍ ഉണ്ട്, ഇത് സന്ദര്‍ശകര്‍ക്കും പ്രാദേശിക സമൂഹങ്ങള്‍ക്കും ലാഭകരമായിരിക്കുമെന്നും ഞാന്‍ വിശ്വസിക്കുന്നു.
മൃഗ സംരക്ഷണ ക്ഷീര വികസന വകുപ്പ് മന്ത്രിയെന്ന നിലയ്ക്ക്, കൊല്ലത്തിന്റെ ടൂറിസം ഘടനയില്‍ ഫാം ടൂറിസം ഉള്‍പ്പെടുത്താനുള്ള വലിയ അവസരം ഞാന്‍ തിരിച്ചറിയുന്നു. ഉത്തരവാദിത്വപരവും അനുഭവ പരിചയത്തോടെയുമുള്ള ടൂറിസം പ്രചരിപ്പിക്കുന്നതിലൂടെ നമ്മുടെ സമ്പന്നമായ പാരമ്പര്യവും പ്രകൃതി ഭംഗിയാർന്ന ഭൂമിയും സംരക്ഷിക്കുന്നതിനൊപ്പം സാമ്പത്തിക വികസനത്തിന് പുതിയ വഴികള്‍ തുറക്കുക കൂടിയാണ് ചെയ്യുന്നത്.
ബാക്ക് വാട്ടർ ടൂറിസം: ജില്ലയുടെ ടൂറിസത്തിന്റെ നട്ടെല്ല്
കൊല്ലം ദീര്‍ഘ കാലമായി കേരളത്തിലെ ബാക്ക് വാട്ടർ ടൂറിസം ടൂറിസത്തിന്റെ പ്രധാന ഹബ്ബായി മാറിയിട്ടുണ്ട്. അഷ്‌ടമുടി തടാകം, അതിന്റെ വിശാലതയും ശാന്തമായ ജല നിരപ്പും ആലപ്പുഴയിലോ കുമരകത്തെയോ പോലെ ആകര്‍ഷകമായ അനുഭവം നൽകുന്നു. കൊല്ലം മുതല്‍ ആലപ്പുഴ വരെ പോകുന്ന എട്ട് മണിക്കൂര്‍ ഹൗസ് ബോട്ട് യാത്ര, കേരളത്തിലെ ഏറ്റവും നീളമുള്ള ഹൗസ് ബോട്ട് യാത്രയാണ്. ഇത് സന്ദര്‍ശകര്‍ക്ക് ഏറ്റവും മനോഹരമായ പ്രകൃതി ദൃശ്യം വാഗ്‌ദാനം ചെയ്യുന്നു. പരിസ്ഥിതി സൗഹൃദമായ ബോട്ടു സവാരികള്‍, കയാക് സഞ്ചാരങ്ങള്‍, ബാക്ക് വാട്ടറിലെ ഗ്രാമ അനുഭവങ്ങള്‍ എന്നിവ വികസിപ്പിക്കുന്നതിലൂടെ മികച്ച ഈ രംഗം കൂടുതല്‍ ആകര്‍ഷകമാക്കാം. മൺറോ തുരുത്തു ഇത്തരത്തില്‍ സുസ്ഥിര ടൂറിസം മാതൃകയില്‍ ശ്രദ്ധ നേടിക്കഴിഞ്ഞു. ഇത്തരം സംരംഭങ്ങള്‍ വ്യാപിപ്പിക്കുന്നതിലൂടെ, പ്രാദേശിക ജീവിത നിലവാരം മെച്ചപ്പെടുത്താന്‍ സാധിക്കുന്നതിനോടൊപ്പം സുസ്ഥിരമായ ബാക്ക് വാട്ടർ പരിസ്ഥിതി സംരക്ഷണത്തിനും സാധിക്കും.
ഫാം ടൂറിസം ടൂറിസത്തിന്റെ പുതിയ പാഠം
ജില്ലയുടെ ടൂറിസം വികസിപ്പിക്കുന്നതിനുള്ള ഏറ്റവും പ്രതീക്ഷാമയമായ മാര്‍ഗങ്ങളില്‍ ഒന്നാണ് ഫാം ടൂറിസം. പ്രത്യേകിച്ച് ചടയമംഗലത്തേയും പരിസര പ്രദേശങ്ങളേയും ഉള്‍പ്പെടുത്തിയുള്ള പദ്ധതി വിപുലീകരണം. കൃഷി- ക്ഷീര മേഖലകള്‍ പ്രാദേശിക സമ്പദ് ഘടനയിൽ പ്രധാനപ്പെട്ട പങ്ക് വഹിക്കുന്നു.
ഒരു സഞ്ചാരിക്ക് കേരളത്തിലെ ഡയറി വ്യവസായം ഗ്രാമ ജീവിതത്തിനും സമ്പദ് വ്യവസ്ഥയ്ക്കും എങ്ങനെ താങ്ങാവുന്നു എന്ന് മനസിലാക്കി കൊടുക്കുന്നതിൽ നിന്ന് തുടങ്ങി ഓര്‍ഗാനിക് സ്പൈസ് ഫാമുകള്‍, റബ്ബര്‍ തോട്ടങ്ങൾ, നാളികേര തോട്ടങ്ങൾ എന്നിവയെ സന്ദർശിക്കുന്നതിനുള്ള അവസരവും ലഭിക്കും.
പ്രധാന സംരംഭങ്ങള്‍
ഡയറി ഫാമുകള്‍ സന്ദര്‍ശിച്ച്, കര്‍ഷകരുമായി സംവദിച്ചു പ്രോസസ്സിങ് രീതികള്‍ പഠിക്കുകയും, ഡയറി വ്യവസായങ്ങള്‍ പരിശോധിക്കുകയും ചെയ്യുന്ന അനുഭവങ്ങള്‍.
ഗ്രാമങ്ങളില്‍ താമസിക്കുകയും, പ്രദേശിക വിഭവങ്ങള്‍ ഉപയോഗിച്ച് പാകം ചെയ്യുന്ന കേരള വിഭവങ്ങള്‍ രുചിക്കാനും ആവുക. പച്ചക്കറി കൃഷി ചെയ്‌തും വിളവെടുത്തും മീന്‍ പിടിച്ചുമെല്ലാം സമയം ചെലവിടാം.
തേനീച്ച വളര്‍ത്തലും തേന്‍ ഉല്‍പാദനവും കണ്ടു മനസിലാക്കുന്നതും കേരളത്തിലെ കാര്‍ഷിക മേഖലയില്‍ തേനീച്ച കൃഷിക്കും തേന്‍ വ്യവസായത്തിനുമുള്ള പ്രാധാന്യം അറിയാനുള്ള അവസരവുമെല്ലാം സഞ്ചാരികളെ ഇവിടേയ്ക്ക് ആകര്‍ഷിക്കും.
‘തെന്മല ഇക്കോ ടൂറിസം പദ്ധതി‘
ഇന്ത്യയിലെ ആദ്യത്തെ ആസൂത്രിതമായ ഇക്കോ ടൂറിസം കേന്ദ്രമായ തെന്മല ഇക്കോ ടൂറിസം പദ്ധതി, കേരളത്തിലെ സുസ്ഥിരമായ ടൂറിസം വികസനത്തിനുള്ള മാതൃകയായി മാറിയിട്ടുണ്ട്. ട്രക്കിങ്, റോക്ക് ക്ലൈമ്പിങ്, മൗണ്ടന്‍ ബൈക്ക് യാത്ര, കയാക്കിങ് തുടങ്ങിയവ ഉള്‍പ്പെടുത്തി കൂടുതല്‍ സാഹസിക വിനോദ സഞ്ചാരികളെയും ഇവിടേക്ക് ആകര്‍ഷിക്കാനാകും. അതുപോലെ തന്നെയാണ് ചെന്തുരുണി വന്യ ജീവി സങ്കേതവും.
പൈതൃക-ആത്മീയ ടൂറിസം
കൊല്ലത്തെ ചരിത്ര പ്രാധാന്യമുള്ള സ്ഥലങ്ങളും ക്ഷേത്രങ്ങളും, കേരളത്തിന്റെ സമ്പന്നമായ സാംസ്‌കാരിക പാരമ്പര്യത്തെ പ്രതിനിധാനം ചെയ്യുന്നുവെന്ന് വിലയിരുത്തപ്പെടുന്നു. തങ്കശ്ശേരി കോട്ട, ചൈനീസ് മീന്‍ പിടുത്ത ഉപകരണങ്ങള്‍, പരമ്പരാഗത വ്യാപാര മാര്‍ഗങ്ങള്‍ എന്നിവ ചരിത്ര പ്രേമികളായവര്‍ക്ക് ആകര്‍ഷണമാണ്. കൂടാതെ, ശ്രീ ധര്‍മ്മ ശാസ്‌താ ക്ഷേത്രം, ശാസ്‌താം കോട്ട, ഓച്ചിറ പരബ്രഹ്‌മ ക്ഷേത്രം, കൊട്ടാരക്കര, മണ്ണൂര്‍ക്കാവ് എന്നിവിടങ്ങളിൽ ആത്മീയ സന്ദര്‍ശന കേന്ദ്രങ്ങളായി മാറിയിട്ടുണ്ട്.
ആയുര്‍വേദ & വെല്‍നസ് ടൂറിസം: ലോകത്ത് തന്നെ പ്രശസ്‌തമായ ആയുര്‍വേദ, വെല്‍നസ് ടൂറിസം കേന്ദ്രമാണ് കൊല്ലം. ഈ മേഖലയില്‍ ആരോഗ്യ വികസനങ്ങള്‍ക്കുള്ള അവസരങ്ങള്‍ വിപുലീകരിക്കാം.
കൊല്ലത്തിന്റെ ടൂറിസം സാധ്യതകള്‍ക്ക് പൂർണമായും പ്രയോജനം ലഭിക്കാന്‍, അടിസ്ഥാന സൗകര്യങ്ങളും റോഡ് കണക്‌ടിവിറ്റിയും മെച്ചപ്പെടുത്തേണ്ടത് അനിവാര്യമാണ്.
കൊല്ലത്തെ ഒരു പ്രമുഖ ടൂറിസം കേന്ദ്രമായി വികസിപ്പിക്കാന്‍ കൂടുതല്‍ ശ്രമങ്ങള്‍ നമുക്ക് ആവശ്യമാണ്. അതില്‍ നമ്മള്‍ ഓരോരുത്തരും ഒന്നിച്ചു നിന്നുള്ള പ്രവര്‍ത്തനങ്ങള്‍ കാഴ്‌ച വയ്‌ക്കേണ്ടതുണ്ട്.